لما حبيبتك بتغضب منك ...بتعمل ايه !

السلام عليكم ,

موضوعي النهاردة .. عن الخصام او الزعل بين اي اتنين بيحبوا بعض , والسؤال هنا لما حبيبتك بتغضب او بتزعل منك .. بتعمل ايه علشان تصالحها ؟!

* طبعا أحنا جميعا مش ملائكة وغير كاملين في اي شئ .. طبيعي أنه تحصل خلافات بينك وبين البنت اللي بتحبها , لسوء الفهم منك او منها , او عملت حاجة تزعلها او مش بتحبها او لما تكتشف حاجة جديدة فيك وممكن ماتكونش فيك فعلا بس اهو ,, انت عملتها واتحسبت عليك .

* طبعا بيبقي الموقف صعب خاصة لو كنت بتحبها بجد , فهل يا تري :
هتسبها تهدأ شوية وبعدين تكلمها وتعتذر او تفهمها انك ماكنتش تقصد, ولا هتتضايق لأنها ماسكالك علي الواحدة .. ولا هتزعل منها لأنها ما حاولتش انها تتكلم معاك بهدوء بدل اي عصبية ممكن تصدر منها .. وطبعا العصبية هتنعكس عليك في النهاية .

كلنا اعتقد وقعنا في حاجات زي دي ... البنت الواعية هي اللي لازم تعلق علي اي تصرف من حبيبها بشكل هادئ وذكي وتحاول انها تفهمه الخطأ اللي وقع فيه بدون ما تحسسه أنه أرتكب ذنب لا يغتفر , خاصة واننا كشباب ورجال عندنا قلب ومشاعر " مش قلب بازلت او رخام " وبنحزن وبنزعل وفينا اللي بيتقبل انه يسمع الإنتقاد وفي اللي ما بيسمحش بكدا أبدا, وأكيد بتنعكس أي خلافات عاطفية علي عملنا وعلي سير حياتنا اليومية .

في النهاية اي شاب عاوز البنت اللي تقف جنبه وتسانده وتطور منه ... مش انها تقعد تطلع فيه كل حاجة غلط او " القطط الفطسانة " زي ما بيقولوا .....

- مستني تعليقات " الشباب والبنات "

وما حدش ينسي اي حد مزعل حبيبته .. يفكر في طريقة يصالحها بيها .

تحياتي

في النهاية اي شاب عاوز البنت اللي تقف جنبه وتسانده وتطور منه ... مش انها تقعد تطلع فيه كل حاجة غلط او " القطط الفطسانة " زي ما بيقولوا .....

هممممممممممممممممم تقصد مين يعنى..

..
هسيبك انت تجاوب على القطط الفطسانه دى..

عزيزتي ...
لقد قمت بكتابة موضوعي هذا من أجل شئ , هو محاولة مناقشة شئ يحدث بين اي شاب وفتاة او رجل وإمرأة , قصدي هو عرض عدة سيناريوهات لما قد تفكر فيه الفتاة بهذا الشأن .

وقد ترين إني قد أكون متحامل علي المرأة في حديثي .. ولكن إن حدث هناك خطأ من جانب الشاب او الرجل تجاه "صديقته " في الدنيا , فلها كل الحق أن تغضب منه ,, كلامي هنا ليس تحيز لأدم أبدا لأننا نري يوميا أن أدم هو من يتسبب في ذلك .

في النهاية من هذا الذي يستطيع أن يكون بعيد عن حبيبته ولو ساعة وهو يعرف انها غير سعيدة بسببه . وأتحدث عن أدم هنا وأقول أنه لا يستطيع أبدا البعد عن حواء لأنها تكمله في كل شئ , فهي ســـر سعادته علي هذه الأرض .

تحياتي للمدير العام