حظك اليوم

موضوع: حظك اليوم الثلاثاء فبراير 17, 2009 12:33 pm

حظك اليوم

برج الحمل"21-2 ----20-4"

انهارده يومك زى الحمل ياعنى هادى و جميل بس هتقابل و انت ماشى واحد رخم يفضل يعكنن عليك و لو كلمته يومك يتنحس و متعرفش تفكر اما بنسبه لطلاب الثانويه العامه فلقمر بيقول سبكم من المذاكره و خليكم مع الدكتوره هاله سرحان في السينما و الناس

برج الثور"21-4---20-5"

هتخانق مع المدير علشان عايز يجوزك بنته العبيطه و يرقيك كمان ممكن يتسرق منك المرتب بتاع الشهر كله لذلك يحذر من ركوب الاتوبيس خاصتا 44 و 315 لو متخانقه مع جوزك هتفضلو متخانقين مش هيحصل حاجه انهارده ده بل بلعكس ممكن يقلك ورايا شغل او مؤتمر في شرم الشيخ وهو رايح لمارته التانيه

برج الجوزاء"21-5----20-6"

انهارده يومك مش مظبوط فيه شويه اطرابات ياعنى ممكن ابوك ميدكش المصروف او صباعك يتزنق في الباب و تيجى تفتح الباب علشان تخرج صباعك المفتاح يكسر تيجى تخبط على الجرس الكهربه تقطع وتيجى تخبط بأيدك هتلاقي محدش بيرد علشان هيكون الى جوه البيت بيصلى

برج السرطان"21-6---20-7"

البرج ده يومه في احتمالين يا حلو يا وحش و ده بيتوقف على الحلم الى انت حلمته ليلتها ياعنى امبارح اذا كان وحش هيتحقق كله بالظبط اما لو كان حلو فهيتحقق عكسه و يجى واحد يقول الراجل ده بيخرف اقولوا ليه قال افرض محلمتيش اقله كل حاجه في الابراج مدروسه لو محلمتيش يبقي في حل من الاتنين يا هيخبطك عربيه يا هتخسر فلوسك فيبقي الحلم احسن

برج الاسد"21-7---20-8"

عامل فيها بلطجى متخفش هيتلم عليك اتنين من بتوع البودى بلدينج ده و هيموتوك ضرب بسب الخاتم الفلصوا الى قلبته امبارح من البنت بتاعتك او لو انت بتحب واحده يا هتسيبوا بعض يأما اخوها هيعرف و يجى يدغدغك علشان تبطل تعمل بطل و اسد بعد كده

برج العذراء"21-8---20-9"

لو معاكى فلوس مضيعهاش عليه لانوا بيلعب بيكى و مستنيكى تخلصى فلوسك عليه علشان هو ندل و عملها مع واحده من برج تانى قبل كده لو بتحب مراتك او حبيبتك يبقي انهارده يا ساعدك يا هناك بس لازم تجيبلها هديه قد خاتم سوليتر كده او بروش الماظ علشان ترضى بيك

برج الميزان"23-9---22-10"

فاكر نفسك حكيم لا يا بابا خاف من النصابين في اليوم ده ياعنى لو قبلت حد قالك تعالى نشترى شوكلاته اوعى تمشى معاه و تصدقه ده نصاب اما انتى سيدتى فاحب ابشرك انك لو ناويه تعملى اى تغير انهارده في حياتك ارجوكى بلاش لان النجوم بتقول ان كل حاجه تقلب العكس ياعنى مثلا بتعلمى نيو لوك بتاع شكيرا الجديد يقلبك عيشه الكلانى او فاكره نفسك اخت اسامه السيد و بتخترعى في طبق الغدا يبقي جوزك هيجلك انتى و جوزك تسمم انهارده

برج العقرب23-10---21-11

الخبث كله هنا احب اقول ان ده اكتر برج محظوظ بس يا حبيبى لو فاكر نفسك جامد ارجوك اوعى تتذائب انهارده لحسن الحكومه مفتحه عنيه و هيتقبض عليك هيتقبض عليك لو فاكره نافسك حلوه و بتغيظى زميلك البنات بجمالك لا يا ماما بصى في المرايا الاول و بعد كده اتكلمى مش كفايا ريحه الكلب الى بتحطيها

برج القوس"23-11---20-12"

انا عرفك انت بتحب الحياه الورديه و الجميله مفهاش مشاكل و لا قلق بس احب اقلك ان انهارده اسود ايامك ياعنى بص من الاخر متروحش الشغل علشان ممكن تترفد و لا تروح للحلاق علشان تظبط نفسك ممكن الحلاق يغلط و يشوهك اما احسن حاجه انت تقعد في البيت لا شغله و لا مشغله بس خلى بالك الفلك بيقول ان البيت ممكن يقع انهارده

برج الجدى"21-12---19-1"

انت يوم نحسك العيد الكبير علشان بيكون موسم بقي و بتخاف المهم ان انهارده مش العيد بس خلى بالك ان ممكن يكون يوم من الايام انت الى عليك الدور و تروح غلط في سكينه جزار

برج الدلو"20-1---18-2"

انهارده مش عارفين الطالع ايه اصلك معقد اوى فوكها و بلاش الميه و حداشر الى فوق حواجبك دى ياعنى ارجوك اضحك لا بلاش لحسن لو دحكت تمووت او يغمى عليك احب اعرفك حاجه ان الناس نسيت لون سنانك او استمعل سيجنال 2 لو خايف ان سنانك متكونش نضيفه فعلشان كده مبتحكش

برج الحوت"19-2---20-3"

علطول فاكر نفسك لذيذ و طعم و بتستزرف كده زى بس احب اعرفك حاجه ان كل الجروب بتاعك مش طايقك و محدش نفسه يشوف خلقتك و كل ميشوفوك يوقولوا ايه الرخامده دى لو بتسمع جمله روح هات لب من تانزينيا ياعنى افهم خلاص هنموت من كتر الرخامه يا جماعه دى من تأليفي انا و ملهاش علاقه بصفات الناس فكل مافيها هو الهزار الخفيف و ليس التجريح صدق او لا تصدق

برج القوس"23-11---20-12"

انا عرفك انت بتحب الحياه الورديه و الجميله مفهاش مشاكل و لا قلق بس احب اقلك ان انهارده اسود ايامك ياعنى بص من الاخر متروحش الشغل علشان ممكن تترفد و لا تروح للحلاق علشان تظبط نفسك ممكن الحلاق يغلط و يشوهك اما احسن حاجه انت تقعد في البيت لا شغله و لا مشغله بس خلى بالك الفلك بيقول ان البيت ممكن يقع انهارده

حرام عليك يا عمرو ايه ده ههههههههههه..
طيب اروح فين يعنى..

هههههههههههههههههه

دا للرجال فقط

موضوع: رد: حظك اليوم الخميس فبراير 19, 2009 6:59 am

ههههههههههههه عديها بقى..ههههههههههههههه..

موضوع: رد: حظك اليوم السبت فبراير 21, 2009 10:04 am

هههههه ومالوا يا ميادة
الادمن بقى ومقدرش اتكلم

موضوع: رد: حظك اليوم الأحد فبراير 22, 2009 11:47 am

انا بصراحه يا جماعه مش بقتنع بالابراج والحاجات دى
على العموم تسلم ايديك على التوبيك الجامد دااااا

موضوع: رد: حظك اليوم الأحد فبراير 22, 2009 11:56 am

متشكر جدا لمرورك
تحياتى ليكى ونورتى المنتدى